३ वर्षाच्या बालकांकरिता चालत जाण्याच्या अंतरावर बालवाडी असावी,या उद्देशाने 'पुनर्वसु बालक मंदिर' ची स्थापना झाली. संस्थापिका रुक्मिणीबाई भागवत आणि अमलाताई भागवत यांनी स्वतःच्या घरातच २ विद्यार्थ्यांपासून सुरू केलेल्या बालवाडीला पुढील दहा वर्षात भरघोस प्रतिसाद मिळाला.

‘अभिजात एज्युकेशन सोसायटी’ ही संस्था स्थापन करून प्राथमिक शाळेची मुहूर्तमेढ रोवली. १० वर्षात प्राथमिक शाळेचे बस्तान बसले आणि १९९९ मध्ये अभिजात प्राथमिक शाळेला सरकार मान्यता मिळाली.

वाढत्या विद्यार्थी पटसंख्येमुळे २००४ साली संस्थेच्या नवीन प्रशस्त इमारतीत शाळेचे स्थलांतर झाले. नवीन इमारतीमध्ये उच्च प्राथमिक व माध्यमिक विभागही क्रमशः सुरू करण्यात आले.

अभिजात माध्यमिक शाळेला सरकारी मान्यता मिळाली. शिक्षकांच्या आणि विद्यार्थ्यांच्या अथक प्रयत्नांमुळे इयत्ता दहावीचा निकाल दर वर्षी १००% लागतो आहे.